#النشرة, آخر أخبار العلوم والتكنولوجيا خلال الأسبوع.1/4

– دراسة جديدة تؤكد أن الضغط العصبي في الطفولة المبكرة يجعل المخ يعيد تكوين حمضه النووي, السنوات الأولي من الطفولة بتأثر بشكل كبير في تكوين الخلايا العصبية علي المستوي الجيني, العلماء قاموا بتجارب علي فئران مولودة حديثة وفصلوا بعض الفئران دي عن أمهاتها وتم معاملتها بصورة قاسية في بداية طفولتها, بعد مراقبة تطور المخ والخلايا العصبية العلماء اكتشفوا أن علي المستوي الجيني تطورت بعض الاضطرابات العصبية عند الفئران دي والاضطرابات علي مستوي الحمض النووي وهتكمل بيه حياتها, العلماء تأكدوا أن نفس التأثيرات دي بتحصل الأطفال .
ف علشان كدة التربية ومعاملة الطفل مهمة جدا يا جماعة ودي حاجات هتكمل مع طفلك طول حياته ف خدوا بالكم من أطفالكم
(1)
https://www.sciencealert.com/transposon-movement-dna-mice-pup-brain-cells-related-childhood-experience

– أوبر خرجت وصفت أعمالها في جنوب شرق آسيا وباعت أعمالها لشركة شحن محلية اسمها Grab مقابل 27.5 % من حصة الشركة بقيمة 1.6 مليون دولار, أوبر أعلنت فشلها في سوق جنوب شرق اسيا السبب يرجع لطبيعة سكان الدول دي انهم محتاجين لدعم ولأسعار اقتصادية.
– (2)

https://techcrunch.com/story/uber-is-exiting-southeast-asia/

– شركة أوبر كمان أوقفت وانهت خدمتها Uber Rush لتوصيل المنتجات والطعام, الشركة بعتت ميل لكل عملائها أن هيتم وقف الخدمة في 30/6 الجي. اوبر اعلنت عن الخدمة في 2014 وكان بيتم اختبارها في مدن مختلفة وكان الغرض الأساسي منها هو استخدام الفكرة لتوصيل الطعام ديلفري من المطاعم ولكن الفكرة واجهت مشاكل كتيرة
أوبر أعلنت انها هتبدأ الفكرة من الجديد ولكن من خلال تطبيق منفصل هيبقي اسمه UBER Eats لكن لسة مفيش أي تفاصيل عن موعد اطلاقه
(3)
https://www.theverge.com/2018/3/31/17184480/uber-uberrush-shut-down

– لجنة التجارة الفيدرالية تحقق مع الفيسبوك, دي أعلي لجنة أمريكية بتراقب الشركات الأمريكية وبتملك اعلي السلطات في أمريكا “مدير اللجنة طلع وقال أن لن يتم التهاون مع أي شركة بتنتهك خصوصية عملائها مهما كان حجم الشركة” اللجنة اتهمت فيسبوك بانتهاك بنود الخصوصية وتسريب بيانات عملائه وفي انتظار عقوبات للموقع
(4)
https://www.washingtonpost.com/news/the-switch/wp/2018/03/20/ftc-opens-investigation-into-facebook-after-cambridge-analytica-scrapes-millions-of-users-personal-information/?utm_term=.76ecedea2723

– لا تأتي المصائب فُرَادَى- فيسبوك حاليا بيواجه فضيحة تانية وهي حسب موقع «آرس تكنيكا» أن فيسبوك بيقوم بجمع بيانات سجلات اتصالات مستخدمي هواتف الأندرويد ورسائلهم لتخزينها من خلال إذن غير صريح في التطبيق فيسبوك بيطلع علي كل سجلات مكالماتك ورسائلك وبيقوم بتخزينها والموقع اللي اكتشف ده نزل تقارير شامل بالأدلة وفحص الكود المصدري لتطبيق فيسبوك للأندرويد بيأكد فعلا ده
فيسبوك طلع انكر لكن نكرانه مكدبش اطلاقا تقرير الموقع. للأسف / مستخدمين هواتف آبل في السليم. ?
(5)

https://arstechnica.com/information-technology/2018/03/facebook-scraped-call-text-message-data-for-years-from-android-phones/

تطبيق هاتف يعمل بالذكاء الاصطناعي يتوقع “عمرك” بناء على تحركاتك وانشطتك , التطبيق بيستخدم البيانات اللي في تطبيقات تليفونك زي Apple Health و Fitbit و Rescuetime ودي تطبيقات بتقيس تحركاتك وانشطتك اليومية وامتي بتصحي من النوم وبتنام كام ساعة وبتمشي قد ايه كل يوم التطبيق بيحصل علي البيانات دي كلها وبيعالجها وباستخدام خورازميات الذكاء الاصطناعي بناء علي حركتك ونشاطتك وروتين يومك الطبيعي هيتوقع عمرك قد ايه
اسم التطبيق Gero Lifespan تقدروا تجربوه هتلاقوا اللينك في المصادر
(6)
https://www.engadget.com/2018/03/30/ai-predicts-your-lifespan-using-activity-tracking-apps/